روبوٹ مسافر طیارے میں سوار ہو گیا؛ پرواز ایک گھنٹہ لیٹ

اوک لینڈ سے سان ڈیاگو جانے والی پرواز میں ‘بیبوپ’ نامی روبوٹ کی موجودگی نے عملے اور مسافروں کو حیرت میں ڈال دیا، تاہم اس کی وجہ سے طیارہ ایک گھنٹہ اور دو منٹ تاخیر سے روانہ ہوا۔ ایلیٹ ایونٹ روبوٹکس کے ایلی بین ابراہام اپنے 32 کلوگرام وزنی روبوٹ کے ساتھ سفر کر رہے تھے، جس کے لیے انہوں نے باقاعدہ ٹکٹ بھی خرید رکھا تھا۔ طیارے کے عملے نے پہلے روبوٹ کی نشست کی پوزیشن اور بعد ازاں اس میں نصب بڑی لیتھئم بیٹری پر اعتراض کیا، جو فضائی حفاظتی قوانین کے خلاف تھی۔