شادی کے بعد میکے جانے کی اجازت؟ دلہن کا جذباتی سوال سوشل میڈیا پر وائرل

سوشل میڈیا پر وائرل ہونے والی ایک ویڈیو میں دیکھا جا سکتا ہے کہ شادی کی رسومات کے دوران ایک دلہن اس وقت آبدیدہ ہو گئی جب پنڈت نے کہا کہ شادی کے بعد میکے جانے کے لیے اجازت لینا پڑ سکتی ہے۔ اس پر دلہن نے فوراً سوال اٹھایا کہ جس گھر میں وہ پیدا ہوئی اور پلی بڑھی، کیا اب وہاں جانے کے لیے بھی اسے اجازت درکار ہوگی؟ دلہن کے اس موقف پر وہاں موجود افراد بھی اشکبار ہو گئے، تاہم ان کے شوہر نے فوری طور پر ان کی ڈھارس بندھائی اور کہا کہ وہ ان کا اپنا گھر ہے اور وہ جب چاہیں وہاں جا سکتی ہیں۔