حکومت کا ملک میں پہلی آئی ٹی مردم شماری کرانے کا فیصلہ

وفاقی حکومت نے وزارت آئی ٹی اور ادارہ شماریات کے باہمی اشتراک سے ملک کی تاریخ میں پہلی بار آئی ٹی مردم شماری کرانے کا فیصلہ کیا ہے۔ اس اقدام کے تحت نوجوانوں کی ڈیجیٹل مہارتوں، فری لانسرز، ویڈیو ایڈیٹرز اور کال سینٹر ملازمین کا تفصیلی ڈیٹا جمع کیا جائے گا۔ وزارت آئی ٹی کے مطابق، اس مردم شماری سے حاصل ہونے والا قابل اعتماد ڈیٹا حکومت کو بہتر پالیسی سازی اور مستقبل کی منصوبہ بندی میں مدد دے گا، جبکہ آئی ٹی ماہرین کے لیے عالمی سطح پر روزگار کے مواقع بھی پیدا ہوں گے۔