میری لینڈ میں عالمی سرمایہ کاری کانفرنس؛ 16 رکنی پاکستانی وفد کی شرکت

امریکہ کے علاقے نیشنل ہاربر، میری لینڈ میں 3 سے 6 مئی تک عالمی سرمایہ کاری کانفرنس “سیلیکٹ یو ایس اے انویسٹمنٹ سمٹ” جاری ہے، جس میں پاکستان سے 16 کاروباری شخصیات اور سرمایہ کاروں پر مشتمل وفد شرکت کر رہا ہے۔ اس سمٹ میں 100 سے زائد ممالک سے 6 ہزار شرکاء اور 3 ہزار سرمایہ کاروں کی شرکت متوقع ہے۔ اس کانفرنس کا بنیادی مقصد امریکی مارکیٹ میں براہِ راست غیر ملکی سرمایہ کاری کے مواقع پر تبادلہ خیال کرنا ہے۔ توقع ظاہر کی جا رہی ہے کہ اس شراکت داری سے پاکستان اور امریکہ کے درمیان معاشی تعلقات مزید مضبوط ہوں گے اور نجی شعبے کے تعاون سے روزگار کے نئے مواقع پیدا ہوں گے۔