ایران پر پابندیاں ختم ہونے سے پٹرول سستا ہونے کی امید ہے: رانا ثنا اللہ

وزیراعظم کے مشیر اور مسلم لیگ (ن) کے رہنما رانا ثنا اللہ نے فیصل آباد میں خطاب کرتے ہوئے کہا ہے کہ ایران پر پابندیاں ختم ہونے اور خطے میں جنگ کے خاتمے سے پاکستان میں پٹرولیم مصنوعات کی قیمتوں میں کمی آ سکتی ہے۔ انہوں نے کہا کہ آبنائے ہرمز کی صورتحال اور عالمی کشیدگی کے باعث ایندھن کی فراہمی متاثر ہوئی ہے، جبکہ پاکستان کی قیادت امریکہ اور ایران کے درمیان جنگ رکوانے کے لیے فعال سفارتی کردار ادا کر رہی ہے جو عالمی امن کے ساتھ پاکستان کے اپنے مفاد میں بھی ہے۔ سیاسی صورتحال پر بات کرتے ہوئے ان کا کہنا تھا کہ 2018 کے انتخابات ن لیگ نے جیتے تھے مگر حکومت نہ بنا سکی، جبکہ پی ٹی آئی کے چار سالہ دورِ حکومت میں ترقیاتی کاموں کے بجائے صرف سیاسی انتقام پر توجہ دی گئی، جب کہ فیصل آباد کے تمام بڑے منصوبے مسلم لیگ (ن) کی کاوشوں کا نتیجہ ہیں۔