امریکی فوج کا 2 ماہی گیر کشتیوں پر مبینہ حملہ، 4 افراد متاثر ہوئے: ایرانی میڈیا

ایرانی میڈیا نے دعویٰ کیا ہے کہ امریکی فوج نے قشم جزیرے کے قریب دو ایرانی ماہی گیر کشتیوں کو نشانہ بنایا ہے، جس کے نتیجے میں 4 ماہی گیر متاثر ہوئے ہیں۔ میڈیا رپورٹس کے مطابق یہ واقعہ صبح ساڑھے 11 بجے پیش آیا، جہاں حملے کے بعد دو ماہی گیر لاپتہ ہو گئے تھے جنہیں بعد ازاں ریسکیو کر کے تلاش کر لیا گیا۔ دوسری جانب، امریکی حکام یا عسکری ترجمان کی طرف سے ایرانی ماہی گیر کشتیوں پر حملے یا اس واقعے سے متعلق فی الحال کوئی باضابطہ تصدیق یا موقف سامنے نہیں آیا ہے۔