سڑکوں پر پھرنے والا فرار زیبرا حقیقت میں گدھا نکلا

آرمینیا کے دارالحکومت ییریوان کی پولیس کو اطلاع ملی کہ میاسنیکیان ایوینیو کے علاقے میں ایک زیبرا آزادانہ گھوم رہا ہے، جو بظاہر چڑیا گھر سے فرار ہوا ہے۔ پولیس اور متعلقہ حکام فوری طور پر متحرک ہو گئے، تاہم تفتیش پر معلوم ہوا کہ چڑیا گھر سے کوئی جانور فرار نہیں ہوا۔ حقیقت میں ایک شہری نے سوشل میڈیا ویڈیو بنانے کی خاطر اپنے گدھے پر سیاہ اور سفید دھاریاں پینٹ کر کے اسے سڑک پر چھوڑ دیا تھا۔ چڑیا گھر انتظامیہ نے اس عمل کی شدید مذمت کرتے ہوئے اسے جانوروں کی صحت کے لیے نقصان دہ قرار دیا ہے، جبکہ پولیس ذمہ دار شخص کی تلاش کر رہی ہے۔