آسٹریلیا میں چوہوں کا فصلوں پر حملہ، خوراک کی سپلائی متاثر ہونے کا خدشہ

غیر ملکی میڈیا کے مطابق آسٹریلوی حکومت ملک کے مغربی علاقوں میں چوہوں کی بڑھتی ہوئی تعداد سے شدید پریشان ہے، جہاں یہ چوہے اناج اگانے والے علاقوں کے لیے مستقل مسئلہ بن چکے ہیں اور فصلوں کو بڑے پیمانے پر نقصان پہنچا رہے ہیں۔ اس بحرانی صورتحال پر آسٹریلوی وزیر توانائی کا کہنا ہے کہ حکومت صنعت کے ساتھ مل کر اس مسئلے کے حل کے لیے کوشاں ہے، کیونکہ اس صورتحال نے کسانوں، صنعتوں اور حکومت کے لیے انتہائی مشکل حالات پیدا کر دیے ہیں۔ واضح رہے کہ آسٹریلیا دنیا میں گندم برآمد کرنے والا چوتھا بڑا ملک ہے، اس لیے یہاں کی فصلوں کی تباہی سے عالمی سطح پر خوراک کی فراہمی متاثر ہو سکتی ہے