وہ انوکھا ٹریفک سگنل جہاں سال میں صرف ایک بار سبز لائٹ روشن ہوتی ہے

جاپان کے چھوٹے سے جزیرے ‘ہمکاجیما’ میں ایک ایسا ٹریفک سگنل نصب ہے جو اپنی نوعیت کا واحد اور عجیب و غریب سگنل ہے۔ ایک اسکوائر کلومیٹر سے بھی کم رقبے پر محیط اس جزیرے میں ٹریفک نہ ہونے کے برابر ہے، جس کی وجہ سے وہاں ٹریفک لائٹس کی ضرورت نہیں۔ تاہم، جزیرے کی مشرقی بندرگاہ پر ایک سگنل لگایا گیا ہے جو سارا سال سرخ رہتا ہے۔ اس کا مقصد ٹریفک کنٹرول کرنا نہیں بلکہ جزیرے کے رہائشیوں، خصوصاً بچوں اور بڑوں کو ٹریفک قوانین کی تربیت دینا ہے۔ سال میں صرف ایک بار یہ سگنل سبز یا نیلا ہوتا ہے تاکہ لوگ سیکھ سکیں کہ سڑک کب عبور کرنی ہے اور کب رکنا ہے، تاکہ جب وہ بڑے شہروں کا رخ کریں تو انہیں کسی دشواری کا سامنا نہ ہو۔