چیٹ جی پی ٹی میں خاموشی سے ایک دلچسپ تبدیلی کر دی گئی

اوپن اے آئی نے چیٹ جی پی ٹی کے یوزر انٹرفیس (UI) کو اپ ڈیٹ کرتے ہوئے مختلف اے آئی ماڈلز کے درمیان سوئچ کرنے کے عمل کو انتہائی سادہ بنا دیا ہے۔ پہلے یہ آپشنز اسکرین کے اوپری حصے میں چھپے ہوتے تھے، لیکن اب صارفین براہِ راست وہاں سے ماڈل منتخب کر سکیں گے جہاں وہ اپنا ‘پرامپٹ’ (Prompt) لکھتے ہیں۔ اس نئے مینیو میں صارفین کو تین بنیادی آپشنز انسٹنٹ (Instant)، تھنکنگ (Thinking) اور کنفیگر (Configure) ملیں گے۔ ‘انسٹنٹ’ آپشن جی پی ٹی 5.3 کا استعمال کرتے ہوئے فوری جوابات فراہم کرتا ہے، جبکہ ‘تھنکنگ’ آپشن جی پی ٹی 5.5 کے ذریعے پیچیدہ مسائل پر غور و فکر کر کے جامع نتائج دیتا ہے۔