چینی فوڈ بلاگر نے شیشے جیسا نیم شفاف فرائیڈ چکن تیار کرلیا

چین کے معروف فوڈ بلاگر کائی نان نے مالیکیولر گیسٹرونومی (Molecular Gastronomy) کی جدید تکنیک استعمال کرتے ہوئے ایک نیم شفاف اور شیشے جیسی نظر آنے والی فرائیڈ چکن تیار کر کے دنیا کو حیران کر دیا ہے۔ کائی نان نے چکن کو مکمل طور پر ڈی-کنسٹرکٹ (توڑ پھوڑ) کر کے دوبارہ تخلیق کیا، جس میں ہڈیوں کے لیے بون میرو اور کولیجن کا جیل استعمال کیا گیا جبکہ گوشت کو مائع شکل میں بدل کر ‘سفیری فیکیشن’ کے ذریعے دوبارہ پٹھوں کی ساخت دی گئی۔ یہ ڈش دیکھنے میں کسی آرٹ کے نمونے کی طرح محسوس ہوتی ہے لیکن اس کی عجیب و غریب ساخت نے جہاں لاکھوں لوگوں کو متوجہ کیا ہے، وہیں بہت سے صارفین اسے کھانے سے ہچکچا رہے ہیں۔ یوٹیوب پر اس ویڈیو کو اب تک 10 لاکھ سے زائد بار دیکھا جا چکا ہے۔