پیٹ کی خطرناک چربی کم کرنے کا مؤثر اور صحت مند طریقہ، تحقیق میں انکشاف

برطانیہ کی نئی تحقیق میں یہ بات سامنے آئی ہے کہ صحت مند طرزِ زندگی، خاص طور پر متوازن غذا اور باقاعدہ ورزش، پیٹ میں جمع خطرناک چربی کو کم کرنے میں اہم کردار ادا کرتی ہے۔

جرنل جمع ورک اوپن میں شائع تحقیق کے مطابق جو لوگ صاف ستھرا اور صحت مند کھانا کھاتے تھے یا باقاعدگی سے ورزش کرتے تھے، ان میں وزن بڑھنے کی رفتار کم رہی، چاہے یہ جلد کے نیچے جمع ہونے والی چربی ہو یا پیٹ کے اندرونی حصے میں موجود خطرناک چربی۔ اس کمی نے جگر کی چربی کے خطرے کو بھی گھٹا دیا۔

تحقیق میں 7,200 سے زائد درمیانی عمر کے بالغ افراد کو اوسطاً سات سال تک کا ڈیٹا شامل کیا گیا۔ صحت مند غذا اور ورزش کرنے والے افراد میں غیر صحت مند طرزِ زندگی رکھنے والوں کے مقابلے میں، کل جسمانی چربی 1.9 کلوگرام کم اور ویسیرل فیٹ 150 گرام کم جمع ہوئی، جس سے چربی کے مجموعی اضافے میں بالترتیب 7 فیصد اور 16 فیصد کمی دیکھی گئی۔

تحقیق کی مصنفہ ڈاکٹر نیتا فاروہی نے کہا کہ درمیانی عمر میں طرزِ زندگی بہتر بنانا نہ صرف وزن کم کرنے کے لیے ضروری ہے بلکہ میٹابولک بیماریوں کے خطرے کو گھٹانے میں بھی اہم کردار ادا کرتا ہے۔ انہوں نے مزید کہا کہ چھوٹی مگر مستقل تبدیلیاں، جیسے بہتر غذا اور جسمانی سرگرمی، نمایاں فائدہ پہنچا سکتی ہیں۔