یو اے ای: یکم نومبر سے اہم دوا پر پابندی کا فیصلہ

متحدہ عرب امارات (یو اے ای) نے اینٹی بائیوٹکس کے خلاف جراثیم میں بڑھتی ہوئی مزاحمت (AMR) پر قابو پانے کے لیے یکم نومبر 2026 سے جانوروں کے علاج میں ’سیپروفلوکساسین‘ کے استعمال پر پابندی عائد کرنے کا فیصلہ کیا ہے۔ امارات ڈرگ اسٹیبلشمنٹ (EDE) کے مطابق یہ اقدام فلوروکوئنولونز گروپ کی ادویات کی انسانی طب میں غیر معمولی اہمیت اور جانوروں میں ان کے بے دریغ استعمال سے انسانی صحت کو لاحق خطرات کے پیش نظر کیا گیا ہے۔ پابندی کے تحت سیپروفلوکساسین پر مشتمل ویٹرنری ادویات اور ان کے خام مال کی درآمد اور تیاری روکی جائے گی، جس سے مجموعی طور پر نو ویٹرنری مصنوعات متاثر ہوں گی۔ حکام کا مقصد اس سخت ضابطہ جاتی اقدام کے ذریعے اینٹی مائیکروبیل مزاحمت کے چیلنج سے نمٹنا اور ادویات کی افادیت کو محفوظ بنانا ہے۔