ہاتھوں اور پیروں سے محروم خاتون کی تنہا اپنے 3 بچوں کی پرورش

چین سے تعلق رکھنے والی 81 سالہ وانگ یوشی کی کہانی نے دنیا بھر میں انسانی عزم اور ممتا کی لازوال طاقت کی ایک نئی مثال قائم کر دی ہے۔ ہاتھوں اور پیروں سے پیدائشی محرومی کے باوجود، انہوں نے نہ صرف اپنی زندگی کی جنگ لڑی بلکہ تن تنہا اپنے تین بچوں کی پرورش کر کے ثابت کر دیا کہ معذوری جسم میں ہوتی ہے، ارادوں میں نہیں۔

صوبہ گانسو کے علاقے بائی ین سے تعلق رکھنے والی وانگ یوشی کی زندگی اس قدر گمنامی اور مشکلات کا شکار تھی کہ 27 سال کی عمر تک ان کا کوئی باقاعدہ نام تک نہیں تھا۔ شادی کے بعد انہیں ‘وانگ یوشی’ کا نام ملا۔ ان کے شوہر روزگار کے سلسلے میں اکثر گھر سے باہر رہتے تھے، جس کی وجہ سے تینوں بچوں کی دیکھ بھال اور گھر کے تمام کٹھن کام انہوں نے اپنی ہمت کے بل بوتے پر انجام دیے۔