کائنات کا تیز رفتار پھیلاؤ سائنسدانوں کیلئے معمہ، تاریک توانائی پر تحقیق جاری

کائنات کے بارے میں جدید سائنسی تحقیق کے مطابق یہ مسلسل پھیل رہی ہے اور اس پھیلاؤ کی رفتار بھی بڑھ رہی ہے، تاہم اس کی وجوہات ابھی تک مکمل طور پر واضح نہیں ہو سکیں۔

فلکیاتی ماہرین کے مطابق ایڈون ہبل نے سب سے پہلے یہ مشاہدہ کیا تھا کہ کہکشائیں ایک دوسرے سے دور جا رہی ہیں، جس نے بگ بینگ نظریے کی بنیاد مضبوط کی۔ 1990 کی دہائی میں ہونے والی مزید تحقیق نے یہ انکشاف کیا کہ کائنات کا پھیلاؤ سست نہیں بلکہ تیز ہوتا جا رہا ہے۔

اس اہم دریافت پر سائنسی دنیا میں نوبل انعام بھی دیا گیا، لیکن اس کی اصل وجہ آج بھی تحقیق کا موضوع ہے۔

ماہرین نے اس پراسرار کیفیت کو سمجھانے کے لیے تاریک توانائی کا نظریہ پیش کیا ہے، جو ایک نامعلوم قوت ہے جو کائنات کو مسلسل پھیلنے پر مجبور کر رہی ہے۔ تاہم اس توانائی کی اصل حقیقت اور طریقہ کار اب تک ایک راز ہے۔