امریکا: برسوں بعد خاتون پر قسمت مہربان، لاکھوں کا انعام جیت لیا

امریکی ریاست مشیگن سے تعلق رکھنے والی ایک 65 سالہ خاتون کی مسلسل محنت اور امید رنگ لے آئی، جنہوں نے دہائیوں تک ہر ہفتے باقاعدگی سے لاٹری کھیلنے کے بعد بالآخر 11 لاکھ ڈالر (تقریباً 30 کروڑ پاکستانی روپے سے زائد) کا جیک پاٹ جیت لیا ہے۔ بے کاؤنٹی کی رہائشی اس خاتون نے لاٹری انتظامیہ کو بتایا کہ جب سے ‘لوٹو 47’ (Lotto 47) کا آغاز ہوا ہے، انہوں نے آج تک ایک بھی قرعہ اندازی مس نہیں کی اور وہ ہر بدھ اور ہفتے کو اپنی قسمت آزماتی رہی ہیں۔

دلچسپ بات یہ ہے کہ خاتون کو اپنی جیت کا علم ایک پڑوسی کے پیغام سے ہوا، جس نے بتایا کہ جس دکان سے انہوں نے 21 مارچ کا ٹکٹ خریدا تھا، وہاں سے جیک پاٹ نکلا ہے۔ خاتون کا کہنا ہے کہ انہیں شروع میں یقین نہیں آیا کہ وہ خوش نصیب خود ہو سکتی ہیں، لیکن جب انہوں نے اپنے نمبرز (04-18-20-26-27-31) چیک کیے تو وہ کروڑ پتی بن چکی تھیں۔ دہائیوں پر محیط اس صبر اور تسلسل نے انہیں بڑھاپے میں ایک بڑی مالی خوشحالی سے ہمکنار کر دیا ہے، جسے وہ اپنی زندگی کا سب سے یادگار لمحہ قرار دے رہی ہیں۔