ٹائی ٹینک سے 5 گنا زیادہ بڑا بحری جہاز جلد اولین سفر پر روانہ ہونے کیلئے تیار

میامی، فلوریڈا: رائل کیریبین انٹرنیشنل نے اپنے ’آئیکون کلاس‘ کے نئے بحری جہاز ’ہیرو آف دی سیز‘ کے حوالے سے اہم اعلان کر دیا ہے۔ 2 لاکھ 50 ہزار ٹن سے زائد وزنی یہ جہاز اگست 2027 میں امریکی ریاست فلوریڈا کے شہر میامی سے اپنے پہلے سفر پر روانہ ہوگا۔ دلچسپ بات یہ ہے کہ اس جہاز کی بکنگ کا سلسلہ 2 اپریل 2026 سے شروع ہو چکا ہے، جس کے لیے دنیا بھر کے سیاحوں میں شدید جوش و خروش پایا جا رہا ہے۔

کمپنی کے مطابق یہ جہاز فیملی تعطیلات کے تصور کو بدل کر رکھ دے گا۔ اس میں 154 فٹ کی بلندی پر واقع سمندر کا سب سے بڑا واٹر پارک، 9 سوئمنگ پولز اور 28 مختلف کھانے کے مقامات (Restaurants) موجود ہوں گے۔ جہاز کی خاص بات اس کا کائینیٹک آرٹ مجسمہ اور 3 منزلوں پر پھیلا ہوا فیملی ٹری ہاؤس ہے، جہاں 12 افراد بیک وقت قیام کر سکتے ہیں۔ یہ جہاز اپنے پیشرو ’آئیکون آف دی سیز‘ کا بھی ریکارڈ توڑ دے گا جو جنوری 2024 سے سمندروں پر راج کر رہا ہے