ٹیلی کام سیکٹر میں بڑا بریک تھرو: پی ٹی اے نے ٹیلی نار کے پی ٹی سی ایل میں انضمام کی منظوری دے دی

کراچی: پاکستان ٹیلی کمیونیکیشن اتھارٹی (پی ٹی اے) نے ایک اہم فیصلہ سناتے ہوئے ٹیلی نار پاکستان کو پی ٹی سی ایل گروپ میں ضم ہونے کے لیے این او سی جاری کر دیا ہے۔ اس منظوری کے بعد پی ٹی سی ایل کو لائسنس کی منتقلی کی اجازت بھی مل گئی ہے، جو کہ اس انضمام کے عمل کا سب سے اہم قانونی مرحلہ تھا۔

پی ٹی سی ایل انتظامیہ نے اس پیش رفت کے حوالے سے پاکستان اسٹاک ایکسچینج (PSX) کو ایک باضابطہ خط ارسال کیا ہے، جس میں کہا گیا ہے کہ یہ مجوزہ انضمام تمام قانونی ضوابط اور حکومتی پالیسیوں کے عین مطابق عمل میں لایا جائے گا۔ خط میں مزید واضح کیا گیا ہے کہ اس معاملے میں ہونے والی کسی بھی مزید پیش رفت سے اسٹاک ایکسچینج اور سرمایہ کاروں کو مسلسل آگاہ رکھا جائے گا۔