سام سنگ نے نئے گلیکسی فائیو جی اسمارٹ فونز متعارف کرا دیے

سیئول/کراچی: اسمارٹ فونز کی دنیا کی معروف کمپنی سام سنگ نے اپنی مقبول ترین ‘A’ سیریز کو اپ گریڈ کرتے ہوئے گلیکسی A57 5G اور گلیکسی A37 5G پیش کر دیے ہیں۔ یہ دونوں فونز سام سنگ کے تازہ ترین آپریٹنگ سسٹم One UI 8.5 پر مبنی ہیں، جس میں مصنوعی ذہانت (AI) کے ایسے ٹولز شامل کیے گئے ہیں جو اس سے قبل صرف مہنگی ڈیوائسز تک محدود تھے۔

ان ڈیوائسز میں موجود “آسوم انٹیلیجنس” کے تحت صارفین کو وائس ٹرانسکرپشن (آواز کو تحریر میں بدلنا)، اسمارٹ سلیکشن اور فوٹو ایڈیٹنگ کے جادوئی آپشنز ملیں گے۔ کیمرہ کے شعبے میں دونوں ماڈلز 50 میگا پکسل کے طاقتور مرکزی سینسر سے لیس ہیں، جو خاص طور پر رات کے وقت (Night Photography) بہترین نتائج فراہم کرنے کی صلاحیت رکھتے ہیں۔