چہل قدمی سے آپ کسی فرد کے بارے میں کیا کچھ جان سکتے ہیں؟ ایک تحقیق میں دلچسپ انکشاف

اگر آپ کسی فرد کی جذباتی کیفیت جاننا چاہتے ہیں تو صرف چہرہ دیکھنا کافی نہیں، بلکہ اس کے چلنے کے انداز پر غور کرنا بھی ضروری ہے۔ جاپان کے ایڈوانسڈ ٹیلی کمیونیکیشنز ریسرچ انسٹیٹیوٹ کی نئی تحقیق میں انکشاف ہوا ہے کہ چلنے کے دوران ہاتھوں اور ٹانگوں کی حرکت جذبات کے بارے میں اہم اشارے فراہم کرتی ہے۔

تحقیق میں رضاکاروں کو ویڈیو کلپس دکھا کر لوگوں کے جذبات کا اندازہ لگانے کو کہا گیا۔ محققین نے پایا کہ ہاتھوں کو زیادہ جھولنا غصے کی علامت، جبکہ معمولی حرکت خوف یا اداسی کی نشاندہی کرتی ہے۔

یہ تحقیق اداکاروں کی خدمات سے کی گئی، جنہیں مختلف جذبات کے حالات یاد کر کے چہل قدمی کرنے کو کہا گیا۔ ان کی حرکات کو خصوصی ٹریکرز سے ریکارڈ کیا گیا، اور ویڈیوز کو دیکھ کر رضاکاروں نے جذبات کا اندازہ لگایا۔

محققین کے مطابق، اگر جسمانی اشاروں پر غور کیا جائے تو کوئی بھی فرد مؤثر انداز سے دیگر کی جذباتی کیفیت کا اندازہ لگا سکتا ہے۔ اس تحقیق کے نتائج جرنل Royal Society Open Science میں شائع ہوئے ہیں۔