امریکی ریاست میں بیل ورزش کرنے سکول کے گراؤنڈ میں پہنچ گیا

امریکا کی ریاست کنساس میں پولیس اور فائر فائٹرز نے ایک بھاگا ہوا بیل ایڈورا ہائی سکول کے میدان میں پہنچنے کے بعد محفوظ طریقے سے پکڑ لیا۔

ایڈورا پولیس کے مطابق، مویشی پکڑنا نصاب میں شامل نہیں ہے لیکن ٹیم ورک کی بدولت بیل کو ایڈورا سٹی فائر ڈیپارٹمنٹ کی مدد سے اس کے ٹریلر میں واپس پہنچا دیا گیا۔اس دوران کوئی زخمی نہیں ہوا اور نہ ہی کسی کو نقصان پہنچا۔ پولیس نے مزاحیہ انداز میں کہا کہ بیل کو صرف ایک “موونگ وائیولیشن” کا نوٹس دیا گیا اور آخرکار اسے اس کے مالک کے حوالے کر دیا گیا۔