واٹس ایپ میں ایسے بہترین فیچر کی آمد جو اب تک اس سروس کا حصہ نہیں تھا

واٹس ایپ نے اپنا نیا فیچر “گیسٹ چیٹ” متعارف کرایا ہے، جس سے وہ افراد جو واٹس ایپ استعمال نہیں کرتے، عارضی چیٹ میں حصہ لے سکیں گے۔

WABetaInfo کے مطابق یہ فیچر اینڈرائیڈ اور آئی او ایس کے کچھ بیٹا صارفین کے لیے متعارف کرایا گیا ہے۔ صارف شیئر ایبل انوائیٹ لنک کے ذریعے گیسٹ چیٹ شروع کر سکتا ہے۔ لنک حاصل کرنے والا شخص فون یا ڈیسک ٹاپ براؤزر پر چیٹ میں شامل ہو سکتا ہے اور اس کی پروفائل پر “گیسٹ” لیبل ظاہر ہوگا۔

چیٹ میں تمام پیغامات اینڈ ٹو اینڈ انکرپشن کے تحت محفوظ رہیں گے، تاہم گیسٹ صارفین گروپس میں شامل نہیں ہو سکیں گے اور میڈیا، اسٹیکرز یا کالز شیئر نہیں کر سکیں گے۔ لنک 10 دن تک فعال رہتا ہے اور بعد ازاں خودکار طور پر ختم ہو جائے گا۔