پالتو گولڈ فش نے کار چلا کر ریکارڈ بنا دیا

ایک ڈچ انجینئر ٹھامس ڈی وولف نے اپنی پالتو گولڈ فِش “بلَب” کے لیے ایک خاص کار تیار کی، جس نے صرف ایک منٹ میں 40 فٹ سے زیادہ فاصلہ طے کر کے نیا عالمی ریکارڈ قائم کر دیا۔ٹھامس ڈی وولف نے گینیز ورلڈ ریکارڈز کے اطالوی ٹی وی پروگرام کے اطالوی ٹی وی پروگرام میں بنایا گیا۔

اس منفرد گاڑی میں چار پہیے ہیں جبکہ ڈرائیور کی نشست کی جگہ پانی سے بھرا ایک ٹینک نصب کیا گیا ہے۔ ٹینک کے اندر لگے سینسر مچھلی کی حرکت کو محسوس کرتے ہیں اور اسی کے مطابق گاڑی کی سمت تبدیل ہو جاتی ہے، یوں مچھلی کی حرکت اسٹیئرنگ کا کام کرتی ہے۔

ٹھامس ڈی وولف کا کہنا تھا کہ ان کا روزمرہ کا کام کافی یکسانیت کا شکار ہوتا ہے، اس لیے انہوں نے کچھ منفرد اور دلچسپ بنانے کا سوچا تاکہ لوگ محظوظ بھی ہوں اور ٹیکنالوجی کے امکانات بھی دیکھ سکیں۔

انہوں نے بتایا کہ اگرچہ گولڈ فِش کے ذریعے چلنے والی کار عملی زندگی میں زیادہ کارآمد نظر نہیں آتی، لیکن اس میں استعمال ہونے والی موشن سینسنگ ٹیکنالوجی معذور افراد کے لیے انتہائی مفید ثابت ہو سکتی ہے۔

ریکارڈ بنانے کے لیے “بلَب” نامی گولڈ فِش کو اس خصوصی گاڑی میں رکھا گیا، جس نے ایک منٹ میں 40 فٹ اور 3.46 انچ کا فاصلہ طے کر کے گولڈ فِش کے ذریعے موشن سینسنگ کار چلانے کا نیا عالمی ریکارڈ قائم کیا۔

انجینئر کے مطابق مستقبل میں یہی ٹیکنالوجی ایسے افراد کی مدد کے لیے استعمال کی جا سکتی ہے جو نقل و حرکت میں مشکلات کا سامنا کرتے ہیں۔