دی سمپسنز کی ٹرمپ کی موت سے متعلق پیشگوئی، ویڈیوز سوشل میڈیا پر وائرل

امریکی مشہور اینیمیٹڈ کارٹون سیریز دی سمپسنز کے ایک مبینہ غیر نشر شدہ کلپ میں سابق امریکی صدر ڈونلڈ ٹرمپ کی موت سے متعلق پیش گوئی کا دعویٰ سوشل میڈیا پر وائرل ہو رہا ہے۔

سوشل میڈیا پر گردش کرنے والی ویڈیو میں ٹرمپ کو ایک کمرے میں دستاویزات کے درمیان بیٹھا دکھایا گیا ہے جہاں وہ اچانک گر پڑتے ہیں۔ کلپ میں ایک گھڑی کے صبح سات بجے رک جانے، سایہ دار منظر اور ایک اخبار کی سرخی بھی دکھائی دیتی ہے جس میں لکھا ہوتا ہے کہ ایک طاقتور شخصیت کو خاموش کر دیا جائے گا۔

اس ویڈیو پر سوشل میڈیا صارفین کی جانب سے مختلف ردعمل سامنے آئے ہیں۔ کچھ افراد نے اسے سنجیدگی سے لیا جبکہ ماہرین نے وضاحت کی ہے کہ یہ کلپ کبھی باقاعدہ نشر نہیں ہوا اور شو کے پروڈیوسرز نے بھی اس کی تصدیق نہیں کی، جس کے باعث اس کی صداقت مشکوک ہے۔

واضح رہے کہ دی سمپسنز ماضی میں کئی عالمی واقعات کی مبینہ پیش گوئیوں کے باعث بھی زیر بحث رہی ہے، جن میں ڈونلڈ ٹرمپ اور جو بائیڈن کی صدارت، ٹوئٹر کا نام بدل کر ایکس ہونا، لیڈی گاگا کی سپر باؤل پرفارمنس اور کووڈ-19 جیسی صورتحال شامل بتائی جاتی ہیں۔

تاہم ماہرین کے مطابق ان میں سے بیشتر دعوے اتفاق، قیاس آرائی یا بعد میں ترمیم شدہ مواد کا نتیجہ ہوتے ہیں، اس لیے سوشل میڈیا پر وائرل ویڈیوز کو بغیر تصدیق کے درست نہیں سمجھنا چاہیے۔