6 سیاروں کو آپ آسمان پر کب اور کیسے دیکھ سکتے ہیں؟

فلکیاتی دنیا میں فروری 2026 کا آخری ہفتہ ایک غیر معمولی اہمیت اختیار کر گیا ہے۔ 21 سے 28 فروری کے دوران نظامِ شمسی کے 6 سیارے— عطارد، مشتری، زہرہ، زحل، یورینس اور نیپچون آسمان پر ایک قطار میں دکھائی دیں گے۔ اس انوکھی پریڈ میں صرف مریخ (Mars) موجود نہیں ہوگا۔

شمالی نصف کرے (Northern Hemisphere)، بشمول پاکستان، میں اس پریڈ کا بہترین مشاہدہ کیا جا سکے گا۔ تاہم، ماہرین کا کہنا ہے کہ اس بار سیاروں کا مشاہدہ کرنے کے لیے ٹیلی اسکوپ کی ضرورت ہوگی کیونکہ زیادہ تر سیارے سورج غروب ہونے کے فوراً بعد افق کے قریب ہوں گے۔ عطارد اور مشتری افق کے نیچے محض 30 سے 45 منٹ تک دکھائی دیں گے۔

مغربی افق پر عطارد اور زہرہ ایک دوسرے کے پیچھے، جبکہ زحل اور نیپچون ایک دوسرے کے قریب ہوں گے۔ ان چاروں کو ٹیلی اسکوپ کی مدد سے تلاش کرنا ممکن ہوگا۔ اس پریڈ میں مشتری اور یورینس کو تلاش کرنا سب سے آسان ہوگا کیونکہ وہ دیگر سیاروں کے غروب ہونے کے بعد بھی کافی دیر تک آسمان پر موجود رہیں گے۔ یورینس آدھی رات کے بعد غائب ہوگا جبکہ مشتری بھی اسی راستے پر کچھ فاصلے پر نظر آئے گا۔