بھارت کا نیا عالمی ریکارڈ، وائٹ بال ایونٹس میں مسلسل 16 فتوحات

لاہور: بھارتی کرکٹ ٹیم نے آئی سی سی کے وائٹ بال ایونٹس میں سب سے زیادہ مسلسل فتوحات حاصل کرنے کا نیا عالمی ریکارڈ اپنے نام کرلیا ہے۔

ٹی ٹوئنٹی ورلڈکپ 2026 میں پاکستان کو 61 رنز سے شکست دینے کے بعد بھارتی ٹیم نے محدود اوورز کے آئی سی سی مقابلوں میں لگاتار 16ویں کامیابی سمیٹی، جو اب تک کی سب سے طویل جیت کا سلسلہ بن چکا ہے۔

یہ شاندار سلسلہ 2023 میں احمد آباد میں آسٹریلیا کے خلاف شکست کے بعد شروع ہوا تھا اور اس کے بعد بھارتی ٹیم ناقابل شکست رہی ہے۔

اس سے قبل مسلسل فتوحات کا ریکارڈ آسٹریلیا کی ٹیم کے  پاس تھا، جس نے 2006 سے 2007 کے دوران آئی سی سی ایونٹس میں 15 میچز جیتے تھے۔