بھارت میں نوجوانوں کا انوکھا تجربہ، روبوٹ سے بھیک منگوا دی

بھارت میں چند نوجوانوں نے ایک منفرد اور مزاحیہ تجربہ کیا جس نے سوشل میڈیا پر تیزی سے مقبولیت حاصل کر لی۔

نوجوانوں نے خود تیار کردہ روبوٹ کو سڑکوں پر لے جا کر پروگرامنگ کے ذریعے راہگیروں سے بھیک مانگنے کا ٹاسک دیا۔ اچانک سڑک پر ایک روبوٹ کو بھیک مانگتے دیکھ کر شہری حیران رہ گئے، جبکہ کئی افراد نے اس دلچسپ منظر کو اپنے موبائل فون کیمروں میں ریکارڈ کیا۔

ویڈیو میں دیکھا جا سکتا ہے کہ روبوٹ راہگیروں کے قریب جا کر مخصوص جملے ادا کرتا ہے۔ اس پر کچھ لوگ مسکراتے اور کچھ حیرت کا اظہار کرتے نظر آتے ہیں۔

سوشل میڈیا صارفین نے ویڈیو پر دلچسپ اور طنزیہ تبصرے بھی کیے۔ ایک صارف نے کہا کہ “انسانوں کی بے روزگاری کے بعد اب روبوٹ کی بے روزگاری کا بھی تجربہ شروع ہو گیا ہے” جبکہ دیگر نے اسے ٹیکنالوجی اور معاشرتی مسائل پر ایک طنزیہ عکاسی قرار دیا