روس نے ملک بھر میں واٹس ایپ سروسز کو بلاک کردیا

روس نے باضابطہ طور پر واٹس ایپ  کو ملک میں بلاک کر دیا ہے۔ روسی انتظامیہ نے واٹس ایپ کو آن لائن ڈائریکٹری سے ہٹا کر مؤثر انداز میں روسی انٹرنیٹ سے خارج کر دیا ہے۔ روس میں واٹس ایپ استعمال کرنے والے افراد کی تعداد 10 کروڑ یا اس سے زائد ہے۔

روسی حکومت چاہتی تھی کہ صارفین ایک مقامی میسجنگ ایپ می کس پر منتقل ہو جائیں، جو وی چیٹ ایپ کی طرح ہے، تاہم اس میں اینڈ ٹو اینڈ انکرپشن کی سہولت موجود نہیں۔

Meta نے کہا کہ روسی حکومت نے واٹس ایپ کو مکمل طور پر بلاک کرنے کی کوشش کی تاکہ صارفین کو حکومت کے زیر نگرانی ایپ میں منتقل کیا جا سکے۔ اس اقدام سے 10 کروڑ سے زائد افراد محفوظ کمیونیکیشن سے محروم ہوں گے اور عوام کو حاصل تحفظ کم ہو جائے گا۔

اسی سلسلے میں روسی حکومت نے 11 فروری کو Telegram کو بھی آن لائن ڈائریکٹری سے ہٹا دیا، جبکہ میٹا کی دیگر ایپس فیس بک اور انسٹاگرام تک رسائی بھی ناممکن ہو گئی ہے۔ رپورٹس کے مطابق یوٹیوب پر بھی پابندی عائد کی گئی ہے، تاہم یہ واضح نہیں کہ اسے مکمل طور پر آن لائن ڈائریکٹری سے نکالا گیا ہے یا نہیں۔