ووٹر آئی ڈی کیلئے کانگریس سے منظوری نہ ملی تو ایگزیکٹو آرڈر لائیں گے، ٹرمپ

ٹرمپ نے کہا ہے کہ اگر ووٹر آئی ڈی سے متعلق قانون کو کانگریس سے منظوری نہ ملی تو وہ ایگزیکٹو آرڈر جاری کریں گے۔

ٹروتھ سوشل پر جاری بیان میں امریکی صدر نے کہا کہ آئندہ مڈٹرم انتخابات میں ووٹر آئی ڈی لازمی قرار دی جائے گی۔ ان کا مؤقف تھا کہ ڈیموکریٹس ووٹر آئی ڈی کی مخالفت کر کے انتخابات میں دھاندلی کرنا چاہتے ہیں۔

انہوں نے دعویٰ کیا کہ 85 فیصد عوام ووٹر آئی ڈی کے حق میں ہیں اور صرف امریکی شہریوں کو ہی ووٹ ڈالنے کا حق ہونا چاہیے۔

ڈونلڈ ٹرمپ کا مزید کہنا تھا کہ سپریم کورٹ کو معاشی اور انتخابی پالیسیوں کے حوالے سے مثبت اور واضح فیصلے دینے چاہئیں تاکہ انتخابی نظام کو مضبوط بنایا جا سکے۔