شکاگو میں پاک-امریکہ ٹیک کنیکٹ 2026 کا انعقاد: پاکستانی آئی ٹی کمپنیوں کے امریکی مارکیٹ کے ساتھ شراکت داری بڑھانے پر زور

شکاگو میں پاک-امریکہ ٹیک کنیکٹ 2026 سیریز کے آخری ایونٹ کا باقاعدہ انعقاد کیا گیا، جس میں امریکی مڈویسٹ اور پاکستان کی معروف ٹیک کمپنیوں، پالیسی سازوں اور کاروباری رہنماؤں نے بڑی تعداد میں شرکت کی۔ واشنگٹن میں پاکستانی سفارتخانے، قونصل خانے، پاکستان سافٹ ویئر ایکسپورٹ بورڈ (PSEB) اور اوپن گلوبل کے تعاون سے منعقدہ اس روڈ شو کا افتتاح امریکی میں پاکستان کے سفیر رضوان سعید شیخ نے کیا۔

اپنے خطاب میں سفیرِ پاکستان نے امریکہ کو پاکستانی آئی ٹی برآمدات کی سب سے بڑی منڈی قرار دیتے ہوئے دونوں ممالک کے درمیان دیرپا اور باہمی مفاد پر مبنی ٹیک شراکت داری کی ضرورت پر زور دیا۔ ایونٹ میں الینوائے کے قانون سازوں، سی ای او پی ایس ای بی فیصل جیڈی، اور اگنائٹ کے سی ای او بلال عباسی نے بھی خطاب کیا اور پاکستان کی ہنر مند افرادی قوت و اسٹارٹ اپ ایکو سسٹم کے مواقع پیش کیے، جبکہ سسٹمز لمیٹڈ، ٹین پرلز اور ابیکس سمیت متعدد پاکستانی ٹیک کمپنیوں نے اپنے جدید پروڈکٹس کی نمائش اور نیٹ ورکنگ سیشنز میں شرکت کی۔