پاکستان اور قطر کا تجارت و سرمایہ کاری بڑھانے پر اتفاق

پاکستان اور قطر کے درمیان دوطرفہ تجارت، سرمایہ کاری اور اقتصادی تعاون کے فروغ کے لیے پاکستان قطر مشترکہ ٹاسک فورس کا دوسرا اجلاس دوحہ میں منعقد ہوا، جس کی مشترکہ صدارت وفاقی وزیر تجارت جام کمال خان اور قطری وزیر مملکت ڈاکٹر احمد بن محمد السید نے کی۔ اجلاس میں پاکستان نے پاک-جی سی سی آزاد تجارتی معاہدے (FTA) کی جلد حتمی منظوری، ہڈی والے گوشت کی برآمد پر عائد پابندی کے خاتمے اور نئی کراچی حیدرآباد موٹروے منصوبے میں قطری سرمایہ کاری پر زور دیا۔ اس کے علاوہ ٹی سی پی اور حساد فوڈ کے درمیان سرکاری سطح پر چاول کی فراہمی، الیکٹرک وہیکلز، شپنگ اور آئی ٹی سیکٹر میں تعاون پر تبادلہ خیال کیا گیا۔ فریقین نے زراعت، معدنیات اور سیاحت سمیت 11 تکنیکی ورکنگ گروپس کو جلد فعال کرنے پر اتفاق کیا، جبکہ ٹاسک فورس کا اگلا اجلاس پاکستان میں ہوگا جہاں جام کمال نے ورلڈ انویسٹمنٹ فورم کی سربراہ نان لی کولنز سے بھی ملاقات کی۔