دبئی میں ڈرائیور لیس ٹیکسی سروس مارچ سے سڑکوں پر نظر آئے گی

دبئی میں جدید شہری سفری سہولتوں کے فروغ کے تحت ڈرائیور لیس ٹیکسی سروس کا باضابطہ آغاز آئندہ ماہ مارچ سے کیا جا رہا ہے۔ اس منصوبے کا اعلان دبئی کے ولی عہد اور ایگزیکٹو کونسل کے چیئرمین شیخ حمدان بن محمد بن راشد المکتوم نے کیا۔

حکام کے مطابق اس سروس کے تحت جدید خودکار ٹیکنالوجی سے چلنے والی ٹیکسیاں شہر کی مختلف سڑکوں پر آزمائشی اور عملی بنیادوں پر چلائی جائیں گی۔ اس اقدام کا مقصد شہری ٹرانسپورٹ نظام کو مزید محفوظ، تیز رفتار اور ماحول دوست بنانا ہے۔

ماہرین کا کہنا ہے کہ ڈرائیور لیس ٹیکنالوجی مستقبل کے شہری سفر کا اہم حصہ بنتی جا رہی ہے، جس سے ٹریفک کے مسائل میں کمی، ایندھن کے مؤثر استعمال اور حادثات کی شرح کم کرنے میں مدد مل سکتی ہے۔

حکام کے مطابق دبئی اسمارٹ ٹرانسپورٹ اور جدید ٹیکنالوجی کے فروغ کے لیے مسلسل نئے منصوبے متعارف کرا رہا ہے۔ توقع ہے کہ آنے والے برسوں میں خودکار گاڑیوں کا استعمال شہری سفر کا معمول بن جائے گا، جس سے روزمرہ نقل و حمل مزید آسان، محفوظ اور مؤثر ہو گی۔