لاہورمیں بسنت کے رنگ بکھرگئے، ہرطرف جشن کا سماں، ’بوکاٹا‘ کی صدائیں

لاہور میں بسنت کے رنگ پوری آب و تاب کے ساتھ بکھر گئے، دوسرے روز شام ہوتے ہی نیلے آسمان پر لہراتی پتنگیں، چھتوں پر خوشیوں بھری محفلیں، اور ہر طرف جشن کا سماں نظرآیا۔ زندہ دلانِ لاہور نے ایک بار پھر اپنی ثقافتی روایت کو زندہ کر دیا۔

پچیس سال بعد منعقد ہونے والی بسنت میں شہریوں کا بھرپور جوش و خروش نمایاں ہے، بچے، بوڑھے، نوجوان سبھی پتنگ بازی میں مصروف  ہیں، گھروں کی چھتیں، پارکس اور کھلے مقامات خوشیوں سے بھر گئے۔

بسنت کے دوران  لاہور ایک رنگین تصویر کا منظر پیش کر رہاہے، کہیں ڈھول کی تھاپ، کہیں قہقہے، تو کہیں دوستوں اور خاندانوں کے ساتھ یادگار لمحات محفوظ کیے جا رہے ہیں ۔

بسنت کی مناسبت سے سیکیورٹی کے سخت انتظامات کیے گئےہیں، پولیس، ریسکیو اور ضلعی انتظامیہ  بھرپور ڈیوٹیاں سرانجام دے رہے ہیں ۔ تاکہ شہری محفوظ ماحول میں جشن منا  سکیں۔