سینئر اداکار 68 برس کی عمر میں انتقال کر گئے

نیپال کے معروف اداکار سنیل تھاپا 68 سال کی عمر میں انتقال کر گئے۔

غیر ملکی میڈیا کے مطابق اداکار کی طبیعت بگڑنے پر انہیں ناروِک اسپتال منتقل کیا گیا تھا، جہاں وہ زیرِ علاج تھے۔رپورٹس میں بتایا گیا کہ سنیل تھاپا کو بے ہوشی کی حالت میں اسپتال لایا گیا اور علاج کے دوران اچانک حالت مزید خراب ہو گئی۔ اسپتال انتظامیہ کے مطابق ای سی جی رپورٹس سے ظاہر ہوا کہ ان کی موت کی وجہ دل کا دورہ بنی۔فلمی دنیا میں طویل عرصے تک سرگرم رہنے والے سنیل تھاپا کو نیپالی سنیما کا بڑا نام سمجھا جاتا تھا۔ انہوں نے 300 سے زائد نیپالی فلموں میں کام کرنے کے علاوہ متعدد بالی ووڈ اور بھوجپوری پروڈکشنز میں بھی اپنی اداکاری کے جوہر دکھائے۔سنیل تھاپا کی موت سے نیپالی فلمی دنیا میں ایک اہم ستون کھو گیا ہے، اور مداح ان کی یاد میں غمگین ہیں۔