میٹا کا اے آئی ویڈیو سروس وائبز کی ایپ تیار کرنیکا فیصلہ

میٹا نے اعلان کیا ہے کہ وہ اپنی ٹیکسٹ ٹو ویڈیو سروس وائبز کے لیے ایک اسٹینڈ الون ایپ تیار کر رہا ہے۔

یہ ایپ صارفین کو AI سے تیار کردہ ویڈیوز کی فیڈ فراہم کرے گی اور انہیں اپنی پسند کی ہدایات کے مطابق ٹک ٹاک جیسی ویڈیوز بنانے کی سہولت دے گی۔

ٹیک کرنچ کی رپورٹ کے مطابق، وائبز کو سب سے پہلے ستمبر 2025 میں میٹا AI ایپ کے ایک فیچر کے طور پر متعارف کرایا گیا تھا۔ صارفین کی جانب سے اس فیچر کے بڑھتے ہوئے استعمال کو دیکھتے ہوئے کمپنی نے خودمختار ایپ کی آزمائش شروع کر دی ہے۔

میٹا کا کہنا ہے کہ اس نئی ایپ سے صارفین کو ایک مستقل پلیٹ فارم مل جائے گا جہاں وہ وائبز کو بہتر طریقے سے استعمال کر سکیں گے اور ویڈیوز دوستوں کے ساتھ شیئر کر سکیں گے۔

کمپنی نے یہ بھی بتایا کہ وائبز کی آمد کے بعد سے میٹا AI کے استعمال میں مسلسل اضافہ ہوا ہے، اور مستقبل میں AI سے تیار کردہ مواد سوشل میڈیا پلیٹ فارمز کا اہم حصہ بن جائے گا۔