پاکستان کے بھارت سے ٹی ٹوئنٹی ورلڈ کپ میچ سے انکار پر آئی سی سی پریشان

اسلام آباد / نئی دہلی: ٹی ٹوئنٹی ورلڈ کپ 2026 کے گروپ میچز میں پاکستان کی جانب سے بھارت کے ساتھ کھیلنے سے انکار کے بعد آئی سی سی شدید پریشان ہے۔ پاکستان کے فیصلے کے بعد عالمی کرکٹ کونسل پاکستان کو میچ کھیلنے پر آمادہ کرنے کے لیے مختلف راستے تلاش کر رہی ہے۔

بھارتی میڈیا کے مطابق آئی سی سی نے ڈپٹی چیئرمین عمران خواجہ کو بیک چینل مذاکرات کی ذمہ داری سونپی ہے تاکہ وہ پاکستان کرکٹ بورڈ (پی سی بی) کو بھارت کے خلاف میچ کھیلنے پر راضی کر سکیں۔ عمران خواجہ کو موجودہ صورتحال میں “پلے دی پیس میکر” کا کردار ادا کرنے کی ہدایت دی گئی ہے۔

رپورٹس کے مطابق پاکستان کرکٹ بورڈ نے ابھی تک آئی سی سی کو باضابطہ طور پر اپنے فیصلے سے آگاہ نہیں کیا، جس کی وجہ سے صورتحال مزید پیچیدہ ہو گئی ہے۔