ایف بی آر کا لاکھوں انکم ٹیکس گوشواروں کا آڈٹ کرنے کا فیصلہ

ایف بی آر نے شارٹ فائلرز، کم ٹیکس دینے اور آمدنی چھپانے والوں کے خلاف ڈیسک آڈٹ کے ذریعے کارروائی کا فیصلہ کر لیا۔

ذرائع کے مطابق، پہلے مرحلے میں 7 سے 10 لاکھ ٹیکس گوشواروں کا ڈیسک آڈٹ کیا جائے گا، جس میں تنخواہ دار، کارپوریٹ ٹیکس دہندگان، بڑے سرمایہ دار، سی ای اوز اور افسران شامل ہوں گے۔ایف بی آر جدید اے آئی اور ڈیٹا اینالیسس سسٹم سے گوشواروں کی جانچ کرے گا، غلط بیانی یا خفیہ آمدن ثابت ہونے پر بھاری جرمانے اور قانونی کارروائی کی جائے گی۔
ذرائع کا کہنا ہے کہ گزشتہ سال کے مقابلے 25 فیصد کم ٹیکس دینے والے بھی پکڑ میں آئیں گے۔