ششی تھرور کا پاکستان کے بھارت میچ بائیکاٹ پر ردعمل

بھارت کے سینئر سیاستدان اور کانگریس رکن پارلیمنٹ ششی تھرور نے پاکستان کے ساتھ ٹی ٹوئنٹی ورلڈکپ میں بھارت کے خلاف میچ سے بائیکاٹ پر تشویش کا اظہار کیا ہے۔

تھرور نے کہا کہ کرکٹ کو سیاست زدہ کرنا افسوسناک ہے اور یہ معاملہ قابو سے باہر ہو رہا ہے۔ انہوں نے مزید کہا کہ کھیل کا میدان تنازعات کو ہوا دینے کی بجائے فریقین کو قریب لانے کا ذریعہ ہونا چاہیے۔

ششی تھرور نے بنگلا دیشی کرکٹر مستفیض الرحمان کے کولکتا میں کھیلنے کے معاہدے سے محروم رہنے کے واقعے کا بھی حوالہ دیا اور کہا کہ یہ انتہائی بدقسمتی کی بات تھی۔

انہوں نے تمام متعلقہ فریقین پر زور دیا کہ ہنگامی بنیادوں پر ایک دوسرے سے رابطہ کریں اور معاملے کا حل نکالیں تاکہ کھیل کی اقدار اور امن و دوستی کو فروغ دیا جا سکے۔