اسکول کے دوستوں کی آواز سن کر 8 سالہ بچہ 55 دن بعد کوما سے باہر نکل آیا

صوبہ ہونان سے تعلق رکھنے والا 8 سالہ لیو چوشی نومبر 2025 میں ایک ٹریفک حادثے کے بعد کوما میں چلا گیا تھا، جس میں اس کے دماغ اور پھیپھڑوں کو شدید نقصان پہنچا۔

ڈاکٹروں نے ابتدائی طور پر بتایا تھا کہ اس کے ہوش میں آنے کا امکان نہ ہونے کے برابر ہے، مگر لیو کی والدہ نے ہار نہیں مانی اور اپنے بیٹے کو مختلف اسپتالوں میں لے کر گئی۔ایک ڈاکٹر کے مشورے کے مطابق جانی پہچانی آوازیں یا پسندیدہ موسیقی دماغ کے مخصوص حصوں کو متحرک کر سکتی ہیں، جس سے ہوش میں آنے کے امکانات بڑھ سکتے ہیں۔لیو کی والدہ نے اس کے اسکول کی موسیقی روزانہ بستر کے پاس چلائی، جبکہ اس کے استاد نے اس کے دوستوں سے مختصر جذباتی ویڈیو پیغامات ریکارڈ کروائے۔رپورٹ کے مطابق کوما میں 45 دن بعد لیو کی پلکوں میں حرکت ہوئی اور 55 ویں دن وہ مکمل طور پر ہوش میں آگیا، بائیں ہاتھ کی حرکت بھی ممکن ہوئی۔اس کے استاد اور اسکول کے دوستوں نے بعد میں اسپتال کا دورہ کیا اور اسے تحائف دیے۔ لیو کی والدہ نے کہا کہ یہ لمحہ ان کی زندگی بدل دینے والا تھا اور ایک حقیقی کرشمہ ممکن ہوا۔