کینیا: 72 گھنٹے تک درخت کو گلے لگانے کا ریکارڈ

کینیا کی 22 سالہ ماحولیاتی کارکن ٹروفینا موٹھونی نے 72 گھنٹے تک لگاتار درخت کو گلے لگا کر گینیز ورلڈ ریکارڈ قائم کر دیا۔ اس سے قبل یہ ریکارڈ گھانا کے فریڈرک باؤکیے کے پاس تھا، جنہوں نے 50 گھنٹے 2 منٹ اور 28 سیکنڈ کے ساتھ یہ کارنامہ انجام دیا تھا۔

ٹروفینا نے فروری 2025 میں 48 گھنٹے تک درخت کو گلے لگا کر اپنا پہلا ریکارڈ بھی بنایا تھا۔ گینیز ورلڈ ریکارڈ سے گفتگو میں انہوں نے کہا کہ پہلی کوشش زمین سے محبت کو انسانیت تک پہنچانے کا سادہ طریقہ تھی، جبکہ دوسری کوشش ایک عہد اور دنیا کو عملی اقدامات کی ضرورت کی یاد دہانی تھی۔