برازیل: گرمی سے بچاؤ کیلئے بندروں کو پاپسیکلز دیے جانے لگے

برازیل کے شہر ریو ڈی جینیرو کے بائیوپارک چڑیا گھر نے شدید گرمی کے دوران اپنے جانوروں کو محفوظ رکھنے کے لیے ان کے لیے جمی ہوئی خوراک اور پاپسیکلز فراہم کرنا شروع کر دیے ہیں۔

چڑیا گھر کے حکام کے مطابق تیندوے، بندر اور دیگر جانوروں کو ان کی ضروریات کے مطابق برف سے تیار شدہ خوراک دی گئی۔ کچھ جانوروں کو جمے ہوئے پھل، جبکہ دیگر کو جمے ہوئے خون کے آمیزش پیش کیے گئے۔ بندروں کو تربوز کے پاپسیکلز دیے گئے، اور ایک تیندوا پانی کے ٹینک میں تیرتے ہوئے چکن کے پاپسیکلز نکالنے کی کوشش کرتا رہا۔

حیاتیات دان لیٹیزیا فیٹوزا نے کہا کہ جمی ہوئی خوراک کے ذریعے جانور ہائیڈریٹ رہتے ہیں اور ان کا جسمانی درجہ حرارت بھی مناسب رہتا ہے۔ یہ عمل چڑیا گھر کی دیکھ بھال کا معمولی حصہ ہے، جو ہر سال شدید گرمی کے دوران کیا جاتا ہے۔