سورج زمین کو کیسے نگلے گا؟ ناسا نے تصاویر جاری کردیں

امریکی خلائی ادارے ناسا نے ایسی نئی تصاویر جاری کی ہیں جو ہمارے نظامِ شمسی کے ممکنہ مستقبل کی عکاسی کرتی ہیں۔ ناسا کے مطابق تقریباً پانچ ارب برس بعد سورج اپنا ایندھن ختم ہونے کے بعد ایک زبردست دھماکے سے پھٹ جائے گا، جس کے نتیجے میں گرد و گیس پر مشتمل ایک وسیع خول باقی رہ جائے گا اور اس عمل کی زد میں زمین بھی آئے گی۔

ناسا کی جانب سے پیش کی گئی یہ تصاویر زمین سے تقریباً 650 نوری سال کے فاصلے پر موجود ہیلکس نیبولا کی ہیں، جو ایک سورج جیسے ستارے کی باقیات پر مشتمل ہے۔ ماہرین کے مطابق یہ ستارہ ہزاروں برس قبل اپنا ایندھن ختم کر چکا ہے اور اب اس کے گرد گیس اور گرد کا ایک عظیم الشان خول پھیلا ہوا ہے۔

ماہرینِ فلکیات نے بتایا کہ اس مرتے ہوئے ستارے سے خارج ہونے والا گیس کا دائرہ تقریباً تین نوری برس پر محیط ہے، جس کے اندر موجود پیچیدہ اور حیرت انگیز ساختیں کائنات کے آخری مراحل کو سمجھنے میں مدد فراہم کرتی ہیں۔

ناسا کا کہنا ہے کہ یہ مناظر ہمارے سورج اور نظامِ شمسی کے انجام کا ایک قریبی اور سائنسی خاکہ پیش کرتے ہیں، جو مستقبل میں فلکیاتی تحقیق کے لیے نہایت اہم ثابت ہوں گے۔