بنگلہ دیش ٹی ٹوئنٹی ورلڈکپ سے باہر، اسکاٹ لینڈ شامل، آئی سی سی کاباضابطہ اعلان

بھارت اور سری لنکا میں ہونے والے ٹی ٹوئنٹی ورلڈکپ میں بنگلادیش کی جگہ  اسکاٹ لینڈ کی ٹیم شرکت کرےگی۔انٹرنیشل کرکٹ کونسل نے باضابطہ طور  پر اعلان کردیا۔۔

بنگلا دیش نے ٹی ٹوئنٹی ورلڈکپ کے میچز بھارت میں کھیلنے سے انکار کیا تھا اور اپنے میچز بھارت  سے سری لنکا منتقل کرنےکا مطالبہ کیا تھا۔

آئی سی سی کے اعلامیے کے مطابق اس معاملے پرتین ہفتوں سے زائد تفصیلی بات چیت کی گئی،  بنگلہ دیش کرکٹ بورڈسے بھی رابطے رکھے اور بی سی بی کے تحفظات کا ہر طرح سے جائزہ لیا گیا۔

آئی سی سی کے مطابق  بی سی بی سے تمام  معاملات پر بات کی گئی اور بی سی بی کو یقین دہانیاں بھی کرائی گئیں۔تاہم بنگلہ دیش کو ورلڈکپ میں شرکت کے لیے رضامند نہ کیاجاسکا۔