پی ایس ایل: لوکل کھلاڑیوں کی ممکنہ نئی کیٹگریز کی فہرست سامنے آگئی

پاکستان سپر لیگ (پی ایس ایل) 11 کی پلیئرز آکشن سے قبل مقامی کھلاڑیوں کی ممکنہ نئی کیٹگریز کی فہرست سامنے آ گئی ہے، جس میں کئی نمایاں کھلاڑیوں کو ترقی جبکہ بعض کو تنزلی کا سامنا کرنا پڑا ہے۔

ذرائع کے مطابق اسلام آباد یونائیٹڈ کے شاداب خان، عماد وسیم اور نسیم شاہ کو پلاٹینم کیٹگری میں برقرار رکھا گیا ہے۔ صاحبزادہ فرحان گولڈ کیٹگری میں شامل ہو گئے ہیں جبکہ سلمان علی آغا اور محمد نواز کو ڈائمنڈ سے ترقی دے کر پلاٹینم میں شامل کر لیا گیا ہے۔

وکٹ کیپر بیٹر اعظم خان کو ڈائمنڈ سے گولڈ میں منتقل کر دیا گیا ہے۔ کراچی کنگز کے حسن علی ڈائمنڈ سے پلاٹینم میں آ گئے جبکہ عباس آفریدی پلاٹینم سے ڈائمنڈ میں چلے گئے ہیں۔

ذرائع کا کہنا ہے کہ خوشدل شاہ اور عامر جمال ڈائمنڈ سے گولڈ، عرفات منہاس گولڈ سے سلور میں آ گئے ہیں، جبکہ شان مسعود کو ڈائمنڈ کیٹگری میں برقرار رکھا گیا ہے۔ لاہور قلندرز کے شاہین شاہ آفریدی، فخر زمان اور حارث رؤف بدستور پلاٹینم کیٹگری میں شامل ہیں۔