پی سی بی نے ٹی ٹوئنٹی ورلڈ کپ کے لیے پاکستان ٹیم کی تمام تیاریاں معطل کر دیں

اسلام آباد: چیئرمین پاکستان کرکٹ بورڈ (پی سی بی) محسن نقوی نے ٹی ٹوئنٹی ورلڈ کپ کے حوالے سے پاکستان ٹیم کی تمام تیاریاں عارضی طور پر روک دی ہیں۔ ذرائع کے مطابق ٹیم مینجمنٹ کو آئندہ کے لائحہ عمل سے بعد میں آگاہ کیا جائے گا۔

پی سی بی نے ٹیم مینجمنٹ سے ٹی ٹوئنٹی ورلڈ کپ میں عدم شرکت کی صورت میں متوازی پلان بھی طلب کیا ہے۔ پاکستان نے بنگلا دیش کے ٹی ٹوئنٹی ورلڈ کپ کے لیے بھارت نہ جانے کے فیصلے پر مکمل حمایت کی یقین دہانی کرائی ہے۔

ذرائع کے مطابق پاکستان نے بنگلا دیش کے سکیورٹی تحفظات کو معقول اور درست قرار دیا ہے اور اگر یہ مسئلہ حل نہ ہوا تو پاکستان ورلڈ کپ میں شرکت کے فیصلے پر دوبارہ غور کرے گا۔