ریاض میں بیلسٹک میزائل کا ملبہ گرنے سے شہری زخمی، گھر اور گاڑی کو نقصان

سعودی عرب کے دارالحکومت ریاض کی فضائی حدود میں ایک بیلسٹک میزائل کو کامیابی سے نشانہ بنا کر تباہ کر دیا گیا، تاہم فضائی دفاعی نظام کی کارروائی کے بعد میزائل کا ملبہ رہائشی علاقے میں گرنے سے ایک شہری زخمی ہو گیا جبکہ مالی نقصان بھی رپورٹ ہوا ہے۔

سعودی سول ڈیفنس (سعودی شہری دفاع) کی جانب سے جاری کردہ بیان کے مطابق فضا میں تباه کیے گئے بیلسٹک میزائل کے ٹکڑے (ملبہ) ملکی حدود میں گرنے سے ایک مقامی شہری شدید زخمی ہوا، جسے فوری طور پر طبی امداد کے لیے قریب ترین ہسپتال منتقل کر دیا گیا ہے۔

سعودی حکام کا مزید کہنا ہے کہ ملبے کے حادثاتی طور پر گرنے کی وجہ سے ایک رہائشی مکان اور ایک ملحقہ گاڑی کو بھی جزوی نقصان پہنچا ہے۔ سول ڈیفنس اور سیکیورٹی اداروں کی ٹیموں نے متاثرہ علاقے کو گھیرے میں لے کر امدادی کارروائیاں مکمل کیں اور صورتحال کو کنٹرول میں لے لیا ہے۔