عباس احسن ایڈیشنل انسپکٹر جنرل پولیس 12 اضلاع میں تعینات، نوٹیفکیشن جاری

خیبر پختونخوا پولیس کے سنیئر و سینئر ترین کیڈر کے افسر، گریڈ 21 کے عباس احسن کو صوبے کے 12 اہم اضلاع میں تمام تر پولیسنگ اور امن و امان کے امور کی اعلیٰ ترین ذمہ داری سونپ دی گئی ہے۔ اس حوالے سے انسپکٹر جنرل آف پولیس (آئی جی پی) خیبر پختونخوا نے باقاعدہ نوٹیفکیشن جاری کر دیا ہے۔

صوبائی پولیس افسر (آئی جی پی) خیبر پختونخوا ذوالفقار حمید کے دفتر سے جاری ہونے والے سرکاری اعلامیے کے مطابق عباس احسن اس سے قبل بطور ایڈیشنل آئی جی ہیڈکوارٹرز اپنے فرائض سرانجام دے رہے تھے۔ نئی تعیناتی کے تحت اب وہ 12 اضلاع میں امن و امان کی مجموعی صورتحال، آپریشنل حکمتِ عملی اور پولیسنگ کے معاملات کی براہِ راست نگرانی کریں گے۔

انتظامی ذرائع کے مطابق عباس احسن کی اس اہم ترین عہدے پر تعیناتی کا مقصد ان 12 اضلاع میں سیکورٹی امور، انسدادِ دہشت گردی کی تدابیر اور پولیسنگ کی مجموعی کارکردگی کو مزید بہتر اور موثر بنانا ہے۔