انسانوں کے حوالے سے گھوڑوں کی ایسی صلاحیت کا انکشاف جو دنگ کر دینے والی ہے

فرانس میں ہونے والی ایک سائنسی تحقیق میں انکشاف ہوا ہے کہ گھوڑے انسانوں کے خوف کو سونگھنے کی صلاحیت رکھتے ہیں۔ ٹورز یونیورسٹی کی تحقیق کے مطابق جب انسان ہارر فلم دیکھ کر خوفزدہ ہوتا ہے تو اس کے جسم سے خارج ہونے والی بو گھوڑے محسوس کر لیتے ہیں۔
تحقیق میں بتایا گیا کہ خوف کی بو سونگھنے پر گھوڑوں کی دل کی دھڑکن تیز ہو جاتی ہے اور وہ ایسے افراد سے فاصلہ اختیار کرتے ہیں، جبکہ مزاحیہ فلمیں دیکھنے والے افراد کے قریب وہ بغیر ہچکچاہٹ کے چلے جاتے ہیں۔
ماہرین کے مطابق یہ تحقیق انسان اور گھوڑے کے درمیان جذباتی تعلق کے ایک نئے پہلو کو اجاگر کرتی ہے۔