منامہ: شاہ بحرین نے صدر زرداری کو ریاست کا اعلیٰ ترین ایوارڈ عطا کردیا

منامہ: صدر مملکت آصف علی زرداری کو بحرین کا اعلیٰ ترین ایوارڈ وسام الشيخ عيسى بن سلمان آل خليفة من الدرجة الأولى سے نوازا گیا۔

صدر زرداری کی قصر القضیبیہ آمد پر انہیں گارڈ آف آنر پیش کیا گیا۔ بحرین کے شاہ حمد بن عیسیٰ آل خلیفہ کے ساتھ ملاقات میں دونوں رہنماؤں نے پاکستان اور بحرین کے برادرانہ تعلقات کو فروغ دینے کے عزم کا اعادہ کیا۔

ملاقات میں تجارت، سرمایہ کاری، زراعت، آئی ٹی، صحت، سیاحت اور انفراسٹرکچر میں مشترکہ منصوبوں پر تبادلۂ خیال ہوا۔ دفاع اور سلامتی کے شعبوں میں تعاون کو پاک-بحرین تعلقات کا اہم ستون قرار دیا گیا۔

صدر زرداری نے بحرینی سرمایہ کاروں کو پاکستان میں سرمایہ کاری کی دعوت دی اور بحرین میں مقیم پاکستانی کمیونٹی کے لیے سہولیات فراہم کرنے پر تشکر کا اظہار کیا۔