ہیتھرو ایئرپورٹ پر سالانہ مسافروں کی تعداد 84 ملین سے تجاوز کر گئی

لندن کے ہیتھرو ایئرپورٹ پر مسافروں کی سالانہ تعداد 84 ملین سے بڑھ گئی ہے۔ میڈیا رپورٹس کے مطابق سال 2025 کے دوران ہیتھرو ایئرپورٹ کے مختلف ٹرمینلز سے 84.5 ملین، یعنی تقریباً ساڑھے آٹھ کروڑ مسافر سفر کر چکے ہیں۔

رپورٹ میں بتایا گیا ہے کہ سال 2024 کے مقابلے میں 2025 کے دوران مسافروں کی تعداد میں 0.7 فیصد اضافہ ریکارڈ کیا گیا۔

میڈیا کے مطابق صرف دسمبر کے مہینے میں ہیتھرو ایئرپورٹ کو 7.2 ملین یعنی 72 لاکھ مسافروں نے استعمال کیا، جو ایئرپورٹ کی مصروف ترین سرگرمیوں کی عکاسی کرتا ہے۔